($100)MT League Hin, Tina麻雀局 [港式廣東牌/非賭博/記錄勝率入聯賽］

我地唔打錢, 打名次開心玩! 活動會track winning % (Win定義: 正數得分) 及第一名總次數.

⚠️⚠️⚠️ Hi 想提提大家只要響Meetup報咗名，我哋就當你會準備出席。如果嚟唔到麻煩廿四小時之前撳返not going. 大家都知道麻雀三缺一係玩唔到，如果任何人放飛機，另外嗰三個出席嘅朋友等同白行一趟, 所以我哋係一定會踢。用嚟保障返出席嘅朋友。 遲到⏰少少ok, 但半個鐘以上亦會被放進黑名單. 將心比己，大家都唔想去到發覺唔夠腳 / 大家都唔想準時到但係要坐響度等人半粒鐘 🙏

埸費: $100 (a free drink is included) 比賽成績會計落我哋嘅小聯賽. 年終會有兩個冠軍🏆奬: (1)勝率冠軍 (2)第一名次數冠軍.

(1)勝率: 勝率=勝出次數/參賽次數。（勝利定義: 得分係正數） 一年嘅賽季會分成四個quarter, 一月到三月為之1st quarter. 四月到六月為2nd quarter 如此類推。每個quarter會逐次加一埸參賽場次作為計名次門檻。例子：四月份開始，勝率計算只會計參賽咗兩場或以上嘅玩家。七月份只會計參賽咗三場。十月份計參賽咗四場。所以年終總排名每個玩家需要最少參賽左四場才符合計算資格。

(2) 第一名冠軍: 簡單計每局第一名次數最多者.

🔔 報名參加Meetup活動, 當系統問你"Are you bringing anyone"時, 如果你祗是一個人來, 毋須㩒+1 (+1代表會帶朋友來的意思). 🔔我哋嘅活動主持人有時會因為工作或者學業關係臨時嚟唔到，Meeple Tree 保留臨時更換主持嘅可能性。🙏 🔔本會因放飛機(活動開始前24小時內退出者)被移除人數: 106 🔔Follow我哋IG: mtboardgame / boardgame_hk